Wano waliwo ebigambo eby’enjawulo ebikozesebwa mu Buganda nga twogera ku Ssaabasajja Kabaka, nga bigoberera ennono n’ekitiibwa ky’Obwakabaka.
| # | Ekigambo ekya bulijjo | Enjogera y’Obwakabaka |
|---|---|---|
| 1 | Kabaka talwala | Addugala |
| 2 | Kabaka tanyiiga | Akalala |
| 3 | Kabaka teyeebaka | Atoowolokoka/awujjaala |
| 4 | Kabaka tatamiira | Akoowa |
| 5 | Kabaka talya | Abeera mu bibbo. |
| 6 | Kabaka takaaba | Ategunkana |
| 7 | Kabaka Taba muto | Aba mu Nkanga |
| 8 | Kabaka Tayavula | Afaafalinaba |
| 9 | Kabaka Tazannya | Ayandakaza |
| 10 | Kabaka takulukusa maziga | Ayunguka |
| 11 | Kabaka Tasika | Alya Nggoma |
| 12 | Kabaka Tatuuka ku ntebe Nnamulondo | Alinnyako nninnye |
| 13 | Kabaka takyala | Alambula |
| 14 | Kabaka Tayigga nsolo | Alamula nnamule |
| 15 | Omukopi aba na Lubuga | Kabaka aba Nnaalinya. |
| 16 | Kabaka tawasa | Akuba nkanamu |
| 17 | Kabaka taba na malaalo | Aba na masiro |
| 18 | Kabaka tasaba | Asiima busiimi |
| 19 | Kabaka Tayogerako eri Obuganda | Alariirako eri Obuganda |
| 20 | Kabaka Taweebwa birabo | Aweebwa Amakula |
| 21 | Kabaka Tazina | Asamba Ndege |
| 22 | Kabaka Tameggana | Yeebongerako mu nsiike |
| 23 | Kabaka Taseka | Avuuya |
| 24 | Kabaka Tafuga Buganda | Alamula nnamule |
| 25 | Kabaka tafuga | Alamula |
| 26 | Omwenge ogutwalibwa ewa Kabaka | Amawa |
| 27 | Kabaka Tanywera mu Ndeku | Anywera mu Mulembeka |
| 28 | Endeku Kabaka mw’anywera amazzi | Lwajjali |
| 29 | Kabaka tafa | Akisa Mukono / Aggya Mukono mu ngabo oba Azaawa |
| 30 | Kabaka Taba na Kiraamo | Aba na Ddaame |
| 31 | Kabaka tabeera na kitanda | Abeera na Kitoowolokoko |
| 32 | Omuggo Kabaka gw’akwata | Balirangamirembe |
| 33 | Effumu lya Kabaka | Mubaagiransega |
| 34 | Kabaka Taba na buliri | Abeera na Ntoowo |
Ebirala ozaayanga n’ofuba okukuuma Oluganda olwaffe olwedda, olusinga endala empya!
© 2026 EKO Buganda. All Rights Reserved.